Сикав интерес

Со керѓа о Исус?

ВИДЕОКЛИПИ: О Исус хем и џувли ко бунари

1. Дикх о ВИДЕОКЛИПИ или читин Јован 4:6-9. Пало адава размислин башо акала пучиба:

1. а) Со приметинѓа о Исус англедер те почминел те керел лафи е џувљаја?

2. б) О Исус вакерѓа: „Де ман те пијав“. Соске акава сине шукар начин те почминел о разговор?

Со сикљоваја таро Исус?

2. Ако почминаја те кера лафи баши тема со интересинела е мануше, најверојатно ка овел амен шукар разговор.

Џа пало е Исусескоро пример

3. Ов прилагодливо. Нане правило кај мора те почмине разговор е темаја колаке со ту сиан спремно. Почмин несаве темаја баши која со о јавера размислинена ко моменти. Пуч тут:

1. а) Сој актуелно ко вестија?

2. б) Башо со керена лафи мле комшие, мле колеге или о чхаве ки школа?

4. Приметин шукар. Пуч тут:

1. а) Со керела о мануш ко моменти? Башо со шај размислинела?

2. б) Сар шај о шеја, о изглед или о буќа со иси ко кхер те поможинен манге те дознајнав ко со верујнела или котар тано?

3. в) Дали акана тано шукар моменти те керав леа лафи?

5. Шун.

1. а) Ма кер бут лафи.

2. б) Поттикнин е мануше те вакерел пло мислење. Кеда тано соодветно, пуч ле нешто.