Кер пошукар и служба — почмин разговорија кола со ка ден тут прилика те сведочине

О Исус шај сине те сведочинел неформално јекхе Самарјанкаке соске прво почминѓа разговор лаја. Сар шај амен да те сикљова те почмина разговор манушенцар со на пенџараја лен?

• Ов љубезно хем кер лафи е манушенцар. Иако о Исус сине уморно, ов почминѓа те керел лафи е Самарјанкаја аѓаар со родинѓа латар те дел ле пани. Ту да шај те почмине разговор адалеа со ка поздравине ле љубезно, хем пало адава шај те спомнине нешто башо време или башо несаво настан со уло. Ма бистре, кај прво мангеа само те почмине разговор, адалеске кер лафи башо нешто со мислинеа кај ка интересинел е мануше. Ако ов нане спремно башо разговор, на нашавеа ништо. Шај те пробине те кере лафи несаве јавере манушеа. Молин е Јехова те дел тут храброст (Не 2:4; Де 4:29).

• Ов спремно те вакере нешто башо шукар хабери, ама ма сиѓар. Мукх о разговор те развинел пе природно. Ако сиан нападно, о мануш шај ма те осетинел пе шукар хем ма те мангел те керел повише лафи. Ма разочарин тут ако на успејнѓан те сведочине леске. Ако дараја те сведочине неформално, пробин те почмине разговор бизо те овел тут цел те сведочине. [Мукх о прво видеоклипи хем дискутиринен баши лесте.]

• Трудин тут коркори те кере прилика те сведочине аѓаар со ка спомнине несави интересно бути колате сиан уверимо. Акава шај те бајрарел о интерес е манушескоро хем те поттикнинел ле те пучел нешто. О Исус вакерѓа некобор интересна буќа со поттикнинѓе е Самарјанка те пучел ле пучиба. Всушност, кеда почминѓа те керел лафи башо шукар хабери, ов само одговоринела сине ко лакере пучиба. [Мукх о дујто видеоклипи хем дискутиринен баши лесте, хем пало адава кер исто е трито видеоклипеа да.]