ТЕ КЕРА ПОВТОРНА ПОСЕТЕ
ЛЕКЦИЈА 7
Ов истрајно
Начело: „Бизо те ачхон, сикавена сине хем вакерена сине о шукар хабери“ (Апо. 5:42)
Со керѓа о Павле?
1. Дикх о ВИДЕОКЛИПИ или читин Апостолија 19:8-10. Пало адава размислин башо акала пучиба:
а) Иако противинѓе пе леске, котар џанаја кај о Павле на откажинѓа пе таро проповедибе?
б) Кобор често о Павле посетинѓа околен со сикавѓе интерес хем кобор време керѓа адава?
Со сикљоваја таро Павле?
2. Ваљани време хем труд те шај те кера делотворна повторна посете хем те почмина библиска курсија.
Џа пало е Павлескоро пример
3. Ов спремно те џа ко мануш кеда леске одговоринела. Пуч тут: „Кеда хем коте шај одговоринела леске те кера лафи?“ Ов спремно те џа ки лесте чак кеда туке адава време на одговоринела.
4. Договорин тут е манушеа кеда палем те џа лесте. Ко крајо таро секова разговор, договорин тут е манушеа кеда палем те посетине ле. Трудин тут те ачхове ко тло лафи.
5. Ма нашав надеж. Ма мислин кај некој нане заинтересиримо само адалеске со нашти аракхеа ле кхере или често нане слободно (1. Кор. 13:4, 7). Наместо адава, трудин тут те аракхе е мануше кхере, ама тари јавер страна мудро користин тло време (1. Кор. 9:26).