Те канина е манушен те авен ко конгрес

1. Кеда ка почминел и акција те делинен пе покане башо конгрес?

¹ Ако планиринеа те викине те амален или те фамилија ко јекх посебно ручко со ка трудине ту те овел најшукар, тегани радосно ка канине лен те авен. Слично аѓаар, ваљани сине бут бути те спреминел пе и духовно храна со аџикерела амен ко конгрес со ка авел. Трин курке англедер о конгрес, о Јехова дела амен предност те канина е манушен те авен. Со ка поможинел амен радосно те делина о покане?

2. Со ка поттикнинел амен те да амендар са ки акаја акција?

² Ка ова поттикниме те да амендар са ки акаја акција ако размислинаја башо адава кобор бари корист иси амен тари духовно храна со о Јехова дела ла аменге ко конгресија (Иса. 65:13, 14). На ваљани те бистра кај секова берш иси шукар резулатија тари акаја акција. (Дикх и рамка „Резултатија тари акција“.) Несаве таро адала со канинаја лен ка авен ко конгрес, а несаве на. Бизи разлика кобор џене ка авен, адава со ка трудина амен хем ка да амендар са ки акаја акција ка анел е Јеховаске фалба хем ка сикавел кобор тано дарежливо (Пс. 145:3, 7; Отк. 22:17).

3. Сар ка делинен пе о покане?

³ О старешине ваљани те одрединен сар шај о собрание те делинел со побутер покане. Исто аѓаар, ваљани те одрединен дали ка мукхен пе о покане ко мануша со нане кхере хем дали ка ден пе о покане ко сведочибе ко прометна тхана. Сабота хем недела, ако шај, е поканенцар те ден пе о списанија да. Кеда ка завршинел и акција, ка ова бахтале со шај сине амен да те канина буте манушен те авен ко конгрес хем те уживинен ки духовно храна со спреминѓа ла аменге о Јехова!