Акција те делинен пе о покане башо конгрес

Секова берш, едвај аџикераја те добина и духовно храна ко амаре регионална конгресија. Те шај о јавера да те осетинен кобор тано шукар о Јехова, ка трудина амен те канина кобор со шај побутер манушен те авен (Пс 34:8). О старешине ка одлучинен сар шај најшукар те користинен пе о покане.

ВАЖНА ДЕТАЛИЈА

• Кеда тано о конгрес?

• Кеда ка почминел и акција?

• Кеда иси состанокија баши служба?

• Сави цел иси ман баши акција?

• Касте мангава те канинав?

САР ТЕ НУДИНА И ПОКАНА:

Кеда ка поздравине е станаре шај те вакере:

„Мангаја те да тут акаја покана со дела пе ко цело свето башо јекх посебно настан. Ки лате пишинела кеда хем коте ка икерел пе акава настан“.

АКО НЕКОЈ СИКАВЃА ИНТЕРЕС:

Иако мангаја те канина кобор со шај побутер манушен башо конгрес, амен ваљани посебно те сикава внимание адаленге со ка сикавен интерес.

Ко викендија, заедно е списаниенцар шај те нудина хем и покана.