Кер пошукар и служба — сикав е неве објавителен

Соске тано важно акава: О неве ученикија е Исусескере мора те сикљон те икерен ‚са со заповединѓа‘ ов, а адава исто аѓаар значинела те сикавен е јаверен башо чачипе (Мат. 28:19, 20). Бут џене таро неве тане ки Теократско школа баши служба хем шај сведочинена пе фамилијаке или амаленге. Ама, сар со накхела о време, ола шај ка манген те џан ки служба адалеске со са побутер ценинена о буќа со сикљовена хем хаљовена кај о Јехова мангела са о мануша те шунен о шукар хабери (Рим. 10:13, 14). Пало несаво време, ола шај ка пхерен о условија хем ка почминен те служинен сар некрстена објавителија. Тегани, бут ка овел важно амен те сикава лен те шај те овел лен побари доверба ки песте џикоте вакерена о шукар хабери е јаверенге (Лука 6:40).

Сар те кера адава:

Поможин е неве објавителеске те овел ле публикацие со ка ваљанен леске те проповединел хем те сикавел е манушен. Сикав леске сар спреминеа ти ташна баши служба хем објаснин леске сави цел иси секоја публикација со иси тут ки ташна.
Заедно биринен несави презентација тари Амари служба башо Царство хем вежбинен ла. Охрабрин е неве објавителе те вакерел и презентација пе лафенцар. Таро лил Школа за служба (82 страна) биринен рамка со одговоринела башо тумаро подрачје. Вакер кобор тано важно те ова уравде скромно хем пристојно (2. Кор. 6:3, 4).
Сикав ле неве буќа. Сикав е неве објавителеске и картичка е мапаја таро подрачје хем сикав ле сар те керел белешке кеда џала ки служба таро кхер ко кхер. Исто аѓаар сикав ле сар те водинел белешке башо мануша со интересинена пе. Сикав ле сар те користинел амари интернет-страница ки служба хем и брошурка Шукар хабери е манушенге таро са о нацие. Поможин ле те керел повторна посете ко мануша со сикавѓе интерес (1. Кор. 3:6).
Ов стрпливо леа хем пофалин ле (Изр. 25:11). Ов леске шукар пример. Ти ревност хем адава со интересинеа ту е манушенге ка влијањел шукар ки лесте.

Ко акава масек кер акава:

Ако то интересенти тано некрстено објавители, џа леа ки служба таро кхер ко кхер хем ингар ле ки повторна посета или ки библиско студија. Ако нане ту асавко интересенти, тегани ле туја ки служба несаве објавителе со нане добором искусно.