Кер пошукар и служба — сикав е интересенте те овел ле навика те проучинел
Соске тано важно акава: Те шај о интересентија те овен духовна зрела, нане доволно само те џанен о основна буќа тари Библија. Ола исто аѓаар ваљани те хранинен пе духовно зорале хранаја аѓаар со коркори ка проучинен (Евр. 5:12–6:1). Адава родела лендар те трудинен пе. Ола ваљани о неве буќа со сикљовена те поврзинен лен адалеа со џанена ле хем те хаљовен сар шај те користинел ленге адава ко џивдипе (Изр. 2:1-6). Те шај о интересенти те одговоринел ко библиска пучиба, ваљани те сикљовел коркори те родел ко амаре публикацие. Кеда трудинела пе те керел адава со сикљовела, адава ка поможинел ле те издржинел о искушенија со ка овен ле (Лука 6:47, 48).
Ко акава масек кер акава:
Ко крајо таро несаво поднаслов или поглавје, шај те пуче е интересенте те вакерел некобор лафенцар со сиклило. Ако нане тут библиско студија, тегани вежбин аѓаар со некобор лафенцар ка вакере о главна мисле таро несаво пасус тари Библија или тари Стражарска кула те шај пошукар те хаљове о буќа со читинеа лен.