Сикав башо чачипе

Таро септември, ко амаре листија спремибаске ка овен неве презентацие е насловеа „Сикав башо чачипе“. Амари цел ка овел ко едноставно начин те вакера несаво библиско чачипе е манушенге, аѓаар со ка користина пучибе хем стихо.

Ако о станари сикавела интерес, шај те бајара лескоро интерес баши наредно посета, аѓаар со ка да ле несави публикација. Или, шај те сикава леске јекх видеоклипи тари амари интернет-страница. Ка овел шукар те ирана амен пало некобор диве те шај те продолжина о разговор. О неве презентацие хем о задаче ка овен темелиме ко лил Со сикавела амен и Библија? Ко акава лил шај те аракха додатна пучиба хем стихија со ка поможинен аменге те користина само и Библија кеда кераја повторна посете хем водинаја библиско курси.

Иси само јекх друмо со ингарела ко живото (Мт 7:13, 14). О мануша каске со проповединаја иси лен различно религие хем потекло, адалеске валани те вакера ленге библиска теме со ка интересинен лен (1Ти 2:4). Хари похари, ка овел аменге полокхо те кера лафи башо различна библиска теме хем панда пошукар исправно те користина о „лафи е чачипаскоро“ (2Ти 2:15). Аѓаар ка ова порадосна хем ка шај ко пошукар начин те сикава е јаверен башо чачипе.