ТЕ ЏИВДИНА САР ХРИСТИЈАЊА

Кер пошукар и служба — поттикнин е интересентен те авен ко состанокија

Јекх пхрал дела јекхе манушеске покана башо состанок

СОСКЕ ТАНО ВАЖНО: Ко секова состанок шај те гиљава е Јеховаске хем те фалина ле (Пс 149:1). Ки ленде сикљоваја сар те кера лескири волја (Пс 143:10). Обично, о интересентија бут посигате напредујнена кеда почминена те авен ко состанокија.

ПОНУДА БАШО ОКТОМВРИ: ПОКАНА БАШО СОСТАНОКИЈА

Несаве со але прво пути ко амаре состанокија заклучинѓе кај о Девел тано машкар аменде (1Ко 14:25). Ко октомври посебно ка трудина амен те канина е манушен ко состанок со икерела пе ко викенд. Ка нудина е манушенге и покана башо состанокија, хем ако о станари дозволинела, шај те мукха леске о видеоклипи Со керела пе ки е Јеховаскере сведоконгири дворана? О јавер курко ка дикха јекх презентација сар пример.

САР ТЕ КЕРА АДАВА:

Де ле покана козом со шај посигате. На ваљани те аџикере прво те почмине леа библиско курси (От 22:17).
Објаснин е интересентеске сар изглединена амаре состанокија хем башо со ка керел пе лафи ко јавер состанок. Шај те користине и покана башо состанокија, о видеоклипи Со керела пе ки е Јеховаскере сведоконгири дворана? или и 5 хем и 7 лекција тари брошура Јеховаскири волја.
Нудин ту баши помош. Шај несаве интересентеске ка ваљани превоз или помош те биринел соодветна шеја. Ко состанок беш узи лесте хем заедно дикхен таро тле публикацие. Запознајн ле јаверенцар.