ДЕ ТУТАР СА КИ СЛУЖБА | ОВ ПОБАХТАЛО КИ СЛУЖБА
Поможин е интересентенге те авен ко состанокија
О собраниска состанокија тане важно дело таро амаро обожавибе (Пс 22:22). Сарине со кхедена пе те обожавинен е Јехова бахтале тане хем иси лен берекетија (Пс 65:4). Обично, о интересентија напредујнена посигате кеда авена редовно ко состанокија.
Сар шај те поможине е интересентенге те авен ко состанокија? Редовно канин лен те авен ко состанок. Сикав ленге о клипи Со керела пе ки е Јеховаскири сведоконгири дворана? Вакер ленге сар поможинена аменге о состанокија (lff лекција 10). Шај те вакере ленге со сиклиљан ко состанок или башо со ка керел пе лафи ко следно состанок. Де е интересентенге о публикацие со ка користинен пе ко состанок. Исто аѓаар, поможин лен ко практично начин. Шај ваљани ленге помош те авен џи ко состанок. Секоја помош ка овел башо шукарипе е интересентескоро. Кеда ка авел прво пути ко состанок адава шај те силно те влијајнел упри лесте (1Ко 14:24, 25).
ДИКХ О КЛИПИ ПОМОЖИН Е ИНТЕРЕСЕНТЕНГЕ ТЕ УЧЕСТВУЈНЕН КО СОСТАНОКИЈА, А ПАЛО АДАВА ОДГОВОРИН КО АКАЛА ПУЧИБА:
Која прилика користинѓа и Нита те шај те канинел е Џејда ко состанок?
Соске сием бахтале кеда о интересенти авела ко состанок?
„Чаче о Девел тано машкар туменде“
Сар осетинѓа пе и Џејд кеда али прво пути ко состанок?