ТЕ ЖИВИНА САР ХРИСТИЈАЊА

Поможин те чхавенге те бајрарен пли вера ко Девел со керѓа са

О буќа со керѓа лен о Јехова сикавена лескири слава (Пс 19:1-4; 139:14). Ама, о свето е Сатанаскоро ширинела јавера идее башо адава котар авела о живото хем адава анела лаџ е Девлеске (Ри 1:18-25). Со шај те кере асавке идее те на мукхен корено ко вило те чхавенге? Ваљани те поможине ленге таро тикнипе те овел лен вера ко Јехова хем те хаљон кај ов грижинела пе ленге (2Ко 10:4, 5; Еф 6:16). Ко тактично начин дикх со чаче мислинена башо адава со сикљовена ки школа, хем користин амаре публикацие те шај те ресе џи ко ленгоро вило (Из 20:5; Јк 1:19).

Јекх дад сикавела пле чхаве башо создавање; презентација баши еволуција ки школа; Со вакерена те врсникија — те верујне ко Девел

ДИКХ О ВИДЕОКЛИПИ СО ВАКЕРЕНА ТЕ ВРСНИКИЈА — ТЕ ВЕРУЈНЕ КО ДЕВЕЛ, А ПАЛО АДАВА ДИКХ АКАЛА ПУЧИБА:

Саво погрешно мислибе иси е манушен башо окола со верујнена ко Девел?
Со сикљовена ки школа?
Со уверинела тут кај о Јехова постојнела?
Сар шај те поможине некаске те хаљол кај о Девел керѓа са?

ПОВИШЕ ИНФОРМАЦИЕ ШАЈ ТЕ АРАКХЕ КО:

• И брошура Сикљовава тари Библија (тикне чхавенге)

• О видеоклипи Ов е Јеховаскоро амал — О Јехова керѓа са

• И рубрика „Случајно или создадено“ ко Разбудете се!

• О работно листо „Зошто верувам во Бог?“ ки JW.ORG

• И серија „Создавање или еволуција“ ки JW.ORG (ко штар делија)

• И серија „Порекло живота“ ки амари телевизија ко интернет JW Broadcasting (ки српско чхиб)

• О филми Чудата на создавањето ја објавуваат Божјата слава

• И брошура Дали животот е Божје дело?

• О лил Постои ли Творец кој се грижи за тебе?