Кеда шај палем те служинав сар помошно пионери?

Е Езекиелескири визија башо храми сикавела аменге кај е Јеховаскоро народо ка дел доброволна жртве. Сар шај секова јекх амендар те дел асавке жртве со ка фалинен е Јехова? (Ев 13:15, 16).

Јекх бут шукар начин тано те служина сар помошно пионери. Ко 2018 службено берш иси некобор масекија со иси лен по панџ саботе или панџ неделе. Акава посебно ка поможинел околенге со керена бути целосно работно време те шај те џан ки служба ко викендија. Освен адава, о објавителија шај те биринен те овен пионерија 30 или 50 саатенцар ко март хем април или ко масек кеда иси лен покраинско посета.

Со ако амаре околностија на дозволинена аменге те ова помошна пионерија? Тегани, шај те трудина амен те кера пошукар амари служба хем те џа повише саатија ки служба. Бизи разлика саве тане амаре околностија, амаро мангипе спрема о Јехова нека поттикнинел амен те да амаро најшукар ко 2018 службено берш! (Ос 14:2).

МУКХ О ВИДЕОКЛИПИ Е ЈЕХОВАЈА ШАЈ ТЕ КЕРАВ СКОРО СА, ХЕМ ОДГОВОРИН КО ПУЧИБА:

• Со поттикнинѓа е Сабина те керел повише ки служба башо Јехова?

• Сар охрабринела тут о пример е Сабинакоро?

• Ко 2018 службено берш, кола масекија мангеа те служине сар помошно пионери?