Иако и Пасха нане претслика баши Спомен-свеченост, несаве буќа тари Пасха иси лен баро значење аменге авдиве. На пример, о апостол Павле вакерѓа башо Исус „амари пасхално жртва“ (1Ко 5:7). Исто сар со о рат е бакхрескоро кова со сине прскимо ко рамке таро удар спасинѓа бут животија, аѓаар е Исусескоро да рат спасинела бут животија (2Мо 12:12, 13). Освен адава, таро пасхално бакхро на ваљани сине те пхагел пе ни јекх кокало. Исто аѓаар, е Исусестар на сине пхаго ни јекх кокало, иако адава керела пе сине кеда некас мударена (2Мо 12:46; Јвн 19:31-33, 36).