Кер пошукар и служба — шукар користин и JW.ORG

СОСКЕ ТАНО ВАЖНО: Секоја публикација таро главна публикацие службаке ингарела е манушен ки jw.org. Главно цел е визит-картичкакири хем е трактатескири Коте те рода одговорија башо најважна пучиба? тани те ингарен е манушен ки jw.org. Преку jw.org шај некаске те бичхале ко имејл јекх таро главна публикацие службаке ко електронско формати или линк латар. Акава шај те овел корисно кеда проповединеа некаске со керела лафи ки јавер чхиб. Понекогаш о мануша пучена пучибе башо кова со нане одговор ко главна публикацие службаке. Ако шукар користинаја и jw.org, ка шај пошукар те кера и служба.

САР ТЕ КЕРА АДАВА:

• 

  Користин о дело „БИБЛИСКИ УЧЕЊА“. Те претпоставина кај сведочинеа јекхе родителеске кова со мангела те џанел нешто повише башо адава сар те воспитинен пе о чхаве. Џа ко БИБЛИСКИ УЧЕЊА > БРАК И СЕМЕЈСТВО.

• Користин о дело „ПУБЛИКАЦИЕ“. Те претпоставина кај сведочинеа неформално ки школа хем мангеа некаске со учинела туја те сикаве и брошура Одговорија башо 10 пучиба со пучена пе о терне. Џа ко ПУБЛИКАЦИЕ > ЛИЛА ХЕМ БРОШУРЕ.

• Користин о дело „АМЕНГЕ“. Те претпоставина кај сведочинеа некаске со керела туја бути кова со мангела кратко те објаснине леске ко со верујнаја. Џа ко АМЕНГЕ > НАЈЧЕСТА ПУЧИБА.

ДИКХ О ВИДЕОКЛИПИ ШУКАР КОРИСТИН И JW.ORG, ХЕМ ПАЛО АДАВА РАЗМИСЛИН КОТЕ ШАЈ ТЕ ПХРАВЕ КИ ИНТЕРНЕТ-СТРАНИЦА ТЕ ШАЈ ТЕ ПОМОЖИНЕ:

• некаске сој атеисти

• некаске со доживинѓа несави трагедија

• несаво пхрал или пхен со нане активно

• некас со посетинеа кова со мангела те џанел сар финансиринела пе амаро дело

• некас сој тано тари јавер пхув кова со мангела те џал ко состанокија кеда ка иранел пе ки пли пхув