Кер пошукар и служба — ов прилагодливо

СОСКЕ ТАНО ВАЖНО: О помазаникија хем о јавера бакхре канинена са е манушен те лен „бесплатно таро пани со дела живото“ (От 22:17). Акава симболично пани преставинела са адава со о Јехова керѓа е послушно манушенге те шај те овен ослободиме таро грево хем таро мерибе. Адалеске со о мануша иси лен различна обичаија хем верувања, ваљани те трудина амен те размислина секаске лично те шај те вакера о шукар хабери ко начин со ка бајрарел интерес ки лесте (От 14:6).

САР ТЕ КЕРА АДАВА:

• Бирин тема хем стихо коленцар со ка ресе џи ко вило е манушенгоро со живинена ко тло подрачје. Шај те бирине несаве таро предлогија башо разговор ко листија спремибаске или, палем, несави тли презентација колаја со сине тут успех. Кола теме хем стихија тане интересна е манушенге? Дали случинѓа пе несаво настан башо кова со о мануша размислинена хем керена лафи? Со шај те интересинел е муршен, а со е џувлен?

• Поздравин е станаре ко начин сој вообичаено ко тло подрачје хем кеда кереа леа лафи ле ко предвид о обичаија таро адава тхан (2Ко 6:3, 4)

• Шукар пенџар и содржина таро публикацие хем видеоклипија кола сој тане дело таро амаре главна публикацие службаке те шај те користине лен кеда некој ка сикавел интерес

• Перав ко тло уред публикацие хем видеоклипија ки чхиб со керена лафи ко тло подрачје

• Прилагодин тли презентација аѓаар со ка размислине башо станари (1Ко 9:19-23). На пример, со шај те вакере леске ако дознајнеа кај сигенде муло лестар некој со сине леске паше?

ДИКХ О ВИДЕОКЛИПИ, А ПАЛО АДАВА ОДГОВОРИН КО АКАЛА ПУЧИБА:

• Ки која тема о објавители почминѓа разговор е станареа?

• Со случинела пе сине ко живото е станареске?

• Кова стихо највише одговоринела сине ки акаја ситуација, хем соске?

• Сар ту прилагодинеа тли презентација те шај те бајраре о интерес е манушенгоро ко тло подрачје?