Со шај те сикљова таро амаре музичка спотија

Кола таро амаре музичка спотија посебно свиџинена пе туке? Соске свиџинена пе туке? Дали башо адава со ки ленде сикавена пе ситуацие таро секова диве? Адалеске со акала спотија иси лен различно музичко стили хем иси лен различна теме, секој шај ки ленде те аракхел нешто со ка свиџинел пе леске. Ама, амаре музичка спотија иси лен јавер да цел.

Лендар шај те сикљова поуке башо амаро живото хем баши служба. Несаве лендар тане башо гостопримство, јекхипе, амалипе, храброст, мангипе хем вера. Ко јавера керела пе лафи башо адава сар некој шај те иранел пе ко Јехова, сар шај те простина, те чхива аменге духовна целија хем сар те ова верна е Девлеске секова диве. Ки јекх гили керела пе лафи чак башо адава сар те користина о мобилна телефонија ко урамнотежено начин. Кола јавера поуке сиклиљан таро амаре музичка спотија?

ДИКХ О МУЗИЧКО СПОТИ БАШ НА ПРАГОТ, А ПАЛО АДАВА ОДГОВОРИН КО АКАЛА ПУЧИБА:

• Башо кола берекетија со ка овен ки иднина размислинела о попхуро брачно пари? (1Мо 12:3).

• Со шај панда повише те уверинел амен кај е Јехова иси ле моќ те исполнинел пле ветувања?

• Касте едвај аџикераја те дикха ки иднина?

• Сар амари надеж башо Царство поможинела аменге те издржина о неволје со иси амен акана? (Ри 8:25).