Корисна предлогија

Сикљов ки годи амаре гиља

„Кеда појавинена пе манге чувствија кај на врединава, о Јехова охрабринела ман преку о гиља таро JW Broadcasting^®“ (Лорејн, САД).

О христијања панда одамна гиљавена „гиља обожавибаске“ те шај те славинен е Девле (Кол. 3:16). Ако сикљовеа акала гиља ки годи, ола шај те поможинен туке чак кеда нане те овел тут песнарка или електронско уред. Те шај те сикљове лен ки годи, применин о следна предлогија.

• Шукар читин о тексти те шај те хаљове со значинела. Ако нешто шукар хаљовеа, полокхо ка сетине тут ко адава. О текстија башо са амаре гиља, коте сој вклучиме хем о гиља башо чхаве, шај те аракхе лен ки jw.org. Џа ко дело Библиотека, а пало адава ко дело Музика.

• Препишин о тексти ко листо. Акава шај те поможинел туке панда пошукар те памтине о тексти (5. Мој. 17:18).

• Вежбин ко гласо. Читин или гиљав и гили повише пути.

• Проверин кобор памтинѓан. Пробин те сетине тут ко лафија тари гили бизо те дикхе ко тексти, а пало адава проверин кобор памтинѓан.