Кер пошукар и служба — те проповединел пе околенге со на дикхена

СОСКЕ ТАНО ВАЖНО: Бут џене таро адала со на дикхена на осетинена пе шукар те керен лафи манушенцар со на пенџарена лен. Адалеске, ваљани те сикљова сар пошукар те сведочина акале манушенге. О Јехова мангипаја грижинела пе е манушенге со на дикхена (3Мо 19:14). Шај те џа пало лескоро пример аѓаар со ка кера нешто те поможина ленге те дознајнен повише баши лесте.

САР ТЕ КЕРА АДАВА:

• Роде коте иси мануша со на дикхена (Мт 10:11). Дали џанеа некас со иси лен ки фамилија мануш со на дикхела? Дали ко тумаро подрачје иси школе, домија пхуренге или јавера објектија со би мангена те лен публикацие керде манушенге со на дикхена?

• Сикав искрено интерес. Ако понашинеа тут амаликане хем ако сикавеа интерес е манушенге со на дикхена, ола ка осетинен пе послободна те керен туја лафи. Трудин тут те почмине разговор баши тема со интересинела лен.

• Поможин ленге те дознајнен повише башо Јехова. Те шај те поможинел пе околенге со на дикхена или со слабо дикхена, амари организација керѓа литература ко различно формати. Пуч секоле посебно ко кова начин леске полокхо те сикљол. О надгледнико баши служба мора те проверинел дали о слуга баши литература нарачинѓа о исправно формати, кова со родела о мануш со на дикхела.