Дали сиан спремно башо граѓанска немирија?

Сар со авела попаше о крајо акале светоскоро, очекујнаја те овен са повише граѓанска немирија, тероризам хем војне (От 6:4). Сар шај те ова спремна башо асавке буќа?

• Спремин тут духовно: Роде библиска начелија хем извештаија кола со ка бајрарен тли доверба ко Јехова хем ки лесири организација, хем ка поможинен тут те ачхове неутрално (Из 12:5; jr-MC 125-126, пас. 23-24). Акана тано време те ова панда попаше амаре пхраленцар хем пхењенцар таро собрание (1Пе 4:7, 8).

• Спремин тут физички: Нека овел тут плани коте шај те гараве тут ако нашти те икљове кхерал хем нека овен тут доволно резерве таро хајбе хем таро јавера потребна буќа. Исто аѓаар, кер плани со ка кере ако ваљани те напуштине тло кхер. Проверин со иси тут ко ранцо башо катастрофе, исто аѓаар чхив паре хем заштитно опрема, сар сој рукавице хем маске. Нека овел тут е старешиненгере броја те шај те контактирине лен хем де ленге тле најневе податокија те шај ола да те контактиринен туја (Иса 32:2; g17.5-MC 3-7).

Џикоте иси немирија икер тли духовно рутина (Фп 1:10). Ма движин тут ко несаве тхана освен ако иси потреба (Мт 10:16). Делин е јаверенцар храна хем јавера буќа (Ри 12:13).

ДИКХ О КЛИПИ ДАЛИ СИАН СПРЕМНО БАШИ ПРИРОДНО КАТАСТРОФА, А ПАЛО АДАВА ОДГОВОРИН КО АКАЛА ПУЧИБА:

• Сар шај о Јехова те поможинел аменге кеда иси катастрофе?

• Саве практична буќа ваљани те кера те шај те ова спремна?

• Сар шај те поможина е јаверен сој тане погодиме таро катастрофе?