ТЕ ЖИВИНА САР ХРИСТИЈАЊА

Дали сиан спремно баши економско криза?

Амен на сием изненадиме ако о светска настанија анена џи ки нестабилно економско криза. Соске? Адалеске со живинаја ко крајо таро последна диве, хем и Библија предупрединела амен те на надина амен „ко барвалипе со нане сигурно“ (1Ти 6:17; 2Ти 3:1). Со шај те сикљова таро пример е царескоро е Јосафатескоро башо адава сар те спремина амен баши економско криза?

Кеда о околна народија заканинѓе пе е Јосафатеске, ле сине ле доверба ко Јехова (2Ле 20:9-12). Ов исто аѓаар керѓа практична чекорија те шај те спреминел е народо аѓаар со заштитинѓа о дизја хем чхивѓа војникија (2Ле 17:1, 2, 12, 13). Исто сар о Јосафат, амен да мангаја те кера практична чекорија те шај те ова спремна башо пхаре времија.

САР ШАЈ ТЕ ОВА СПРЕМНА БАШИ ЕКОНОМСКО КРИЗА?

Ко духовно поглед: Сикљов те ове задоволно адалеа со иси тут хем зајакнин тли доверба ки е Јеховаскири способност те грижинел пе башо тле секојдневна потребе (Мт 6:26; 1Ти 6:8). Никогаш ма чхинав те икере тут ко библиска начелија само те шај те задоволине адала потребе (Ри 2:21). Размислин сар шај понадари да духовно те хранине тут ако нане струја или интернет. Ако шај, гарав туке несаве печатиме публикацие хем англедер перав туке публикацие ко електронско формати.

Ко материјално поглед: Намалин тле борчија хем о непотребна трошакија англедер те појавинел пе економско криза (Из 22:7). Ако шај чхив туке ки страна јекх разумно количина таро хајбе хем јавера потребна буќа. Те шај те штединен паре, несаве садинена песке зеленчук ки бавча.

ДИКХ О КЛИПИ ДАЛИ СИАН СПРЕМНО БАШИ ПРИРОДНО КАТАСТРОФА?, А ПАЛО АДАВА ОДГОВОРИН КО АКАЛА ПУЧИБА:

Сцена таро клипи „Дали сиан спремно баши природно катастрофа?“ Сикавде тане тикне слике коте со дикхјола јекх Библија, ранцо хем телефони хем мануша со керена бути.

Сар шај те спремина амен баши природно катастрофа?

Тло одговор

Сцена таро клипи „Дали сиан спремно баши природно катастрофа?“ Пхраља поможинена ко јекх тхан коте со случинѓа пе природно катастрофа аѓаар со керена градежно бути хем икалена материјалија таро јекх камиони.

Сар шај те ова спремна те поможина е јаверенге?

Тло одговор