Сикав доверба ко Јехова кеда иси тут финансиска проблемија

О живото ко последна диве пхердо тано предизвиконцар. Сар со авела о крајо акале светоскоро, ка овел аменге са попхаро. Понекогаш, шај ка овел амен бут хари ко материјално поглед (Авк 3:16-18). Со ка поможинел аменге те икљова ко крајо е финансиска проблеменцар? Амен мора понадари да те овел амен доверба ко амаро Девел о Јехова. Ов ветинѓа кај ка грижинел пе пле слугенге, хем ко било саве околностија те ова ов ка дел амен адава сој аменге потребно (Пс 37:18, 19; Ев 13:5, 6).

Со шај ту те кере:

• Молин е Јехова баши водство, мудрост хем баши лескири поддршка (Пс 62:8)

• Ов спремно те прифатине бути која со поангле на керѓан ла (g-MC 1/10 8-9, о рамке)

• Ов духовно активно, а адава значинела те читине секова диве и Библија, те учествујне ко состанокија хем редовно те џа ки служба

ДИКХ О КЛИПИ КЕР ТУКЕ КХЕР СО КА ИЗДРЖИНЕЛ СА — ОВ ЗАДОВОЛНО АДАЛЕА СО ИСИ ТУТ, А ПАЛО АДАВА ОДГОВОРИН КО АКАЛА ПУЧИБА:

• Саве предизвикија сине несаве фамилиен?

• Која тани и најважно бути ко живото?

• Сар шај те поможина околенге со иси лен финансиска проблемија?