ТЕ ЖИВИНА САР ХРИСТИЈАЊА
Ола бут трудинена пе те служинен аменге
О покраинска надгледникија хем ленгере ромња сикавена самопожртвувано мангипе адаленге каске со служинена. Ола да исто сар о јавера иси лен пумаре потребе, хем некогаш тане уморна, обесхрабриме или секириме (Јк 5:17). Сепак, секова курко ола концентриринена пе те охрабринен е пхрален хем пхењен ко собрание со посетинена ле. Чаче, о покраинска надгледникија тане „достојна баши дупло чест“ (1Ти 5:17).
Кеда о апостол Павле планиринѓа те посетинел е пхрален хем е пхењен таро собрание ко Рим те шај те дел лен „несаво духовно поклон“, ов едвај аџикерѓа те охрабринен пе јекх јекхеа (Ри 1:11, 12). Дали размислинѓан сар шај ту те охрабрине е покраинско надгледнико хем лескере ромња, ако тано ко брако?
ДИКХ О ВИДЕОКЛИПИ О ЖИВОТО Е ПОКРАИНСКО НАДГЛЕДНИКОСКОРО КО ИЗОЛИРИМЕ ТХАНА, А ПАЛО АДАВА ОДГОВОРИН КО АКАЛА ПУЧИБА:
Ко кола начинија о покраинска надгледникија хем ленгере ромња сикавена самопожртвувано мангипе спрема о собрание?
Сави корист иси тут таро адава со керена?
Сар шај амен те охрабрина лен?