Ваљани аменге пошукар свето!
„Живинаја ко свето кова сој пхердо проблеменцар“, вакерѓа о Антонио Гутереш, генерално секретари ко Обединета нацие. Дали согласинеа тут акале лафенцар?
Таро са о стране ресена аменге лошна хаберија, сар сој:
Пандемија хем јавера насвалипа
Природна катастрофе
Чоролипе хем бокхалипе
Загадими околина хем глобално затоплување
Криминал, насилство хем корупција
Војне
Дикхјола пе кај ваљани аменге јекх пошукар свето, свето коте со иси:
Совршено састипе
Сигурност хем безбедност
Храна сариненге
Чисто околина живибаске
Правда сариненге
Мир ко цело свето
Ама, ко со мислинаја кеда керела пе лафи башо пошукар свето?
Со ка овел е светоја коте со живинаја акана?
Со ваљани те кера те шај те живина ко пошукар свето?
Акава издание тари Стражарско кула дела утешна библиска одговорија ко акала хем ко слична пучиба.