Сој шукар а сој лошно: Пучибе со сарине пучаја амен

Ако мангеа те џа негде кај со никогаш на сиан сине англедер, со би кереа?

1. 1. Ка џа ко друмо колесте со мислинеа кај ваљани те џал пе.

2. 2. Ка џа пало јавера мислиндор кај ола џанена о друмо.

3. 3. Ка овел тут доверба ки некасте или ко нешто колесте со шај те ове сигурно сар сој, GPS, мапа или амал со џанела шукар о друмо.

Ако биринеа и прво или и дујто опција ка ресе џи негде, ама шај нане те ресе атхе кај со мангљан те џа. Ама ако биринеа и трито опција шај те ове сигурно кај ка ресе атхе кај со мангљан.

Амаро живото тано сар јекх патујбе кова со мислинаја кај ка ингарел амен ки среќно иднина. Дали ка реса џи атхе или на, бут зависинела таро адава кастар родаја совет кеда ваљани те ана несави одлука.

Повише одлуке со анаја лен тане тикне, ама несаве тане бут баре. Акала важна одлуке сикавена со мислинаја кај тано шукар хем лошно. Ола шај те влијајнен бут време упри аменде хем упро окола со мангаја лен, бизи разлика дали ко шукар или ко лошно начин. Асавке одлуке шај те овен башо буќа сар сој:

• Секс хем брако

• Чесност, бути хем паре

• Те бајрарел пе чхавен

• Понашибе е јаверенцар

Сар шај те ове сигурно кај о одлуке со ка ане лен башо акала буќа ка ингарен тут хем тле фамилија ки среќно иднина?

Секова јекх амендар ваљани те пучел пе: Со шај те поможинел манге те анав шукар одлуке башо адава сој шукар, а сој лошно?

Ко акава списание ка дикха соске шај те овел амен доверба ко адава со вакерела и Библија кај тано шукар хем лошно хем сар шај те поможинел туке?