Сикљов таро слике

Ко амаре публикацие иси бут слике кола со истакнинена важна поуке. Сар шај те овел тут побари корист таро акала слике?

• Дикх о слике англедер те читине и статија. Ола шај те бајрарен тли желба те манге те дознајне повише хем те поттикнинен тут те читине и статија. Адава тано сар јекхе вкусно хајбаја — прво „пробинеа ле“ јакхенцар. Адалеске пуч тут: „Со дикхава?“ (Амос 7:7, 8).

• Џикоте читинеа и статија, размислин соске сине бириме адала слике. Ако иси, читин о тексти узо слике или читин о објаснување башо слике. Размислин сар о слике тане поврзиме е темаја со читинеа ла хем туја лично.

• Откеда ка читине и статија, користин о слике те шај те повторине о главна мисле. А пало адава, трудин тут те сетине тут ко слике хем ко адава со сиклиљан лендар.

• Соске на пробинеа палем те дикхе о слике таро акава списание хем те сетине тут ко поуке лендар?