Нека овел тут корист таро маргине

О маргине ки Библија — превод Нево свето сикавена кај ој тани складно аѓаар со ингарена тут ко стихија коленде со иси додатна деталија. Секоја маргина тани означими тикне букваја ко крајо таро секова лафи. Ако користинеа и Библија ко печатимо формати, роде адаја буква ки колона ки средина таро тексти те шај те аракхе о поврзиме стихија. Ки jw.org или ки апликација JW Li­brary^®, мечин ки буква те шај те дикхе о паралелна стихија.

О маргине шај те ингарен тут ко повише буќа. Сар на пример ко:

Паралелно извештај: И референца ингарела ко јавер библиско извештај башо исто настан. На пример, дикх 2. Самоилова 24:1 хем 1. Летописи 21:1.

Цитати: И референца сикавела коте најангле појавинела пе несаво израз или изјава. На пример, дикх Матеј 4:4 хем 5. Мојсеева 8:3.

Исполнимо пророштво: И референца поврзинела о пророштво лескере исполнибаја. На пример, дикх Матеј 21:5 хем Захарија 9:9.