О политичарија предупрединена кај панда хари ка овел Армагедон — Со вакерела и Библија?

Понеделник, 10 октомври 2022 берш, рано сабајле руска ракете погодинѓе повише дизја ки Украина адалеске со англедер дуј диве јекх бари експлозија оштетинѓа о мости кова со поврзинела о Крим хем и Русија. Акава уло пали изјава е политичаренгири кај панда хари ка овел Армагедон.

„О ризик таро нуклеарно Армагедон тано панда побаро него ко време кеда сине о [американско претседатели о Џон ] Кенеди хем и кубанско ракетно криза... Мислинава кај, ако некој пробинела те користинел тактично нуклеарно оружје, адава сигурно ка анел џи ко Армагедон“ (изјава таро американско претседатели о Џо Бајден, денди ко 6 октомври 2022 берш).
„Согласинава ман кај бут паше сием ко Армагедон, ко ризик тани цели планета“ (изјава таро украинско претседатели о Володимир Зеленски денди башо Би-би-си ко 8 октомври 2022 берш, кеда пучле ле башо адава саве би овена сине о последице ако користинела пе нуклеарно оружје).

Ако користинела пе нуклеарно оружје, дали адава ка анел џи ко Армагедон? Со вакерела и Библија?

Дали о нуклеарно оружје ка анел џи ко Армагедон?

На. О лафи „Армагедон“ појавинела пе само јекх пути ки Библија, ко Откровение 16:16, хем адатхе на керела пе лафи баши војна машкар о државе ко свето, него машкар о Девел хем о „царија таро цело свето“ (Откровение 16:14). Ки војна Армагедон, о Девел ка уништинел о манушикане владе (Даниел 2:44).

Те шај повише те дознајне со ка значинел о Армагедон е Пхувјаке, читин и статија Што е Армагедон?

Дали и Пхув хем о мануша ка овен уништиме ки нуклеарно војна?

На. Иако ки иднина о манушикане владетелија шај ка користинен нуклеарно оружје, о Девел нане те дозволинел и Пхув те овел уништими. Ки Библија пишинела:

„И пхув ачховела засекогаш“ (Проповедник 1:4).
„О праведна мануша ка наслединен и пхув хем ка живинен вечно ки лате“ (Псалм 37:29).

Ама, о библиска пророштвија хем о моментална настанија сикавена кај ка овен баре промене ки манушикани историја (Матеј 24:3-7; 2. Тимотеј 3:1-5). Башо адава со вакерела и Библија баши амари иднина шај те дознајне таро амаро бесплатно библиско курси.