Еколошка проблемија — Со ка керел е Девлескоро Царство?

„О баре климатска промене керена проблемија е манушенге, е дизјенѓе хем башо са сој џивдо. О силна буре кола сој са побаре адалеске со иси климатска промене, ко цело свето уништинена кхера хем са о буќа кола сој потребна е манушенге те шај те живинен. И температура ко океанија са повише бајрола хем адалеске шај бут врсте животне те овен уништиме“ (Ингер Андерсен, заменичка е генерално секретарескири ко Обединета нацие хем директорка ки Програма баши животно средина ко ОН, 25 јули 2023).

Дали о владе шај те спојнен пе хем те решинен акала проблемија со иси ко цело свето? Дали ка шај те решинен акала проблемија засекогаш?

И Библија керела лафи баши јекх влада која со шај хем која со мангела те решинел са о еколошка проблемија ки пхув. Ој вакерела кај „о небесно Девел ка ваздел царство“, јавере лафенцар ка чхивел јекх влада која со ка решинел са о проблемија ко цело свето (Даниел 2:44). Кеда ка владинел адава Царство, „повише нане те керел пе лошнипе хем нане те керел пе штета“, е манушенге, а ни е пхувјаке (Исаија 11:9).