Економска проблемија — со ка керел е Девлескоро Царство

Бут мануша ко цело свето мучинена пе те икљовен ко крајо финансиски, а и ситуација овела са полошно.

• Спрема јекх извештајa, „о мануша шај са похари хем похари те кинен е паренцар со заработинена лен“. О извештај предупрединела кај ако на керела пе ништо, „са побари ка овел и разлика машкар о барвале хем о чороле“ хем ка перел о стандард буте фамилиенгоро.

Дали о владе ка успејнен те решинен акаја бари економско криза, или те локхјарен о буќа е манушенге?

Ки Библија пишинела кај иси јекх влада која со шај те решинел са о економска проблемија, коте сој вклучими и бари разлика машкар о барвале хем о чороле хем кој ка керел адава. Ој вакерела кај „о небесно Девел ка ваздел царство“ или Влада која со ка владинел ки цели пхув (Даниел 2:44). Кеда ка владинел акава Царство, никој нане те овел бистердо или мукхло коркори (Псалм 9:18). Сарине со ка живинен ко адава време ка овел лен са со ваљани ленге те шај те овен среќна. Секова јекх ка уживинел ко адава со ка керел (Исаија 65:21, 22).