Касте шај те овел тут доверба? — Со вакерела и Библија?

О мануша тане разочариме кеда окола касте со иси лен доверба изневеринена лен. Бут џене нашавѓе пумари доверба ко...

• политичка водачија кола со дикхена повише пли корист него те грижинен пе башо е манушенгере потребе.

• медиумија кола со на вакерена точна хаберија хем нане праведна.

• научникија кола со на грижинена пе башо е манушенгоро шукарипе.

• верска водачија кола со мешинена пе ки политика наместо те сикавен башо Девел.

Е манушен иси лен шукар причине башо адава со нане лен доверба ко бут џене. И Библија предупрединела:

• „Ма те овел тумен доверба ко моќна мануша, или ко било саво јавер мануш, кова со нашти те спасинел тумен!“ (Псалм 146:3).

Касте шај те овел тут доверба?

 И Библија вакерела кај иси некој касте со шај те овел тут доверба: ко Исус Христос. Ов на сине само јекх шукар мануш кова со живинѓа бут векија англедер. О Девел чхивѓа е Исусе те „владинел сар Цари... хем лескере Царствоске нане те авел крајо“ (Лука 1:32, 33). О Исус тано Цари ко е Девлескоро Царство, јекх влада со акана владинела таро небо (Матеј 6:10).

• Те шај те дикхе соске шај те овел тут доверба ко Исус, читин о статие „Кој тано о Цари ко е Девлескоро Царство?” хем „Со ка керел е Девлескоро Царство?“