О Исус ка чхивел крајо башо војне

Џикоте сине ки пхув, о Исус сикавѓа кобор бут мангела е манушен, со чак сине спремно те жртвујнел пло живото ленге (Матеј 20:28; Јован 15:13). Панда хари, палем ка сикавел пло мангипе аѓаар со ка користинел пли положба сар Цари ко е Девлескоро Царство те шај те чхинавел „о војне ки цели пхув“ (Псалм 46:9).

Дикх сар и Библија објаснинела адава со ка керел о Исус:

• „Ка спасинел е чороле со ровела баши помош... хем секас со нане ле кој те поможинел ле. Ка перел леске жал е бедно манушеске хем е чоролеске, хем ка аракхел о живото е чороленгоро. Ка спасинел лен таро малтретирибе хем насилство“ (Псалм 72:12-14).

Сар шај те сикава кај ценинаја са адава со керѓа хем адава со ка керел аменге о Исус ки иднина? Јекх начин тано аѓаар со ка сикљова повише башо „шукар хабери башо е Девлескоро Царство“, башо кова со проповединѓа о Исус (Лука 4:43). Читин и статија „Што е Божјето Царство?“