ТЕ КЕРА ПОВТОРНА ПОСЕТЕ
ЛЕКЦИЈА 8
Ов стрпливо
Начело: „О мангипе тано стрпливо“ (1. Кор. 13:4)
Со керѓа о Исус?
1. Дикх о ВИДЕОКЛИПИ или читин Јован 7:3-5 хем 1. Коринќања 15:3, 4, 7. Пало адава размислин башо акала пучиба:
а) Сар е Исусескере пхраља ко почеток реагиринѓе ко лескере сикљојба?
б) Со сикавела кај о Исус на ваздинѓа пле васта таро пло пхрал о Јаков?
Со сикљоваја таро Исус?
2. Ваљани те ова стрплива адалеске со несаве манушенге ваљани повише време те шај те прифатинен о шукар хабери.
Џа пало е Исусескоро пример
3. Користин различна начинија. Ако о мануш на мангела одма те прифатинел библиско курси ма кер леске притисок. Кеда ка овел прилика, користин видеоклипија или статие те шај те поможине ле те дознајнел сар изглединела јекх библиско курси хем соске ка овел леске корисно ако проучинела и Библија.
4. Ма спорединен ле е јаверенцар. Секова мануш тано различно. Ако некој тари тли фамилија или несаво интересенти тано ко дуј гоѓа дали те проучинел и Библија или те прифатинел несаво библиско сикљојбе, размислин соске тано аѓаар. Дали несаво верување тари лескири религија тано леске бут важно? Дали иси ле притисок тари фамилија или таро комшие? Мукх те накхел време те шај те размислинел башо са адава со вакерѓан хем те дикхел кобор тано важно адава со пишинела ки Библија.
5. Молин тут е интересентеске. Молин е Јехова те поможинел тут те ачхове позитивно хем тактично. Освен адава, молин тут те шај те хаљове кеда тано време те чхинаве те посетине некас со нане чаче заинтересиримо (1. Кор. 9:26).