Кер пошукар и служба — Со те кера кеда о станари тано бут хољамо

Соске тано важно акава: Ки служба аракхаја буте манушен со и тане љубезна. Ама, о Исус вакерѓа кај несаве мануша ка мрзинен амен (Јован 17:14). Адалеске, на ваљани те ова изненадиме ако ки служба аракхаја несаве станаре со и бут хољамо. Кеда аракхаја асавке мануше, амен мангаја те постапина аѓаар сар со мангела о Јехова (Рим. 12:17-21; 1. Пет. 3:15). Ако кераја аѓаар шај ка чхинава и ситуација те овел полошно. Исто аѓаар, ка да шукар пример е станареске хем е јаверенге со дикхена адава, хем шај ка овен поспремна те шунен е Јеховаскере сведокон кеда ка авен јавер пути (2. Кор. 6:3).