Кер пошукар и служба — почмин библиско студија англо удар аѓаар со ка користине и брошура Шукар вест таро Девел!
Соске тано важно акава: Те шај те кера ученикија, амен мора те сикава е манушен башо е Девлескоро Лафи (Матеј 28:19, 20). Сарине шај те успења ко адава ако користинаја и литература која со иси амен. И брошура Шукар вест таро Девел! тани керди те поможинел амен те сикава е манушен о чачипе. Амен шај те користина ла те почмина библиско студија е станареа кеда прво пути кераја леа лафи англо удар.
Ко акава масек кер акава:
Молин тут те овел ту желба те водине јекх студија. Исто аѓаар, молин е Јехова те поможинел ту те почмине јекх библиско студија хем шукар те сикаве е мануше башо чачипе (Филипјаните 2:13).
Ки Фамилијарно рат или ки лично студија, ле туке време те сикљове и презентација. Аѓаар ка шај поуверливо те кере лафи ки служба хем те почмине библиско студија англо удар.