Те овел тут сар ленгири вера
1. Со ка проучинел пе таро 19 октомври ко Проучибе и Библија ки дворана?
1 Ко Проучибе и Библија ки дворана почминдор таро 19 октомври 2015 берш, ка проучина о лил Угледајте се на нивната вера. Ко акава лил иси библиска извештаија башо 14 верна мурша хем џувља. Ов тано пишимо ко асавко начин те шај те поможинел аменге те замислина адале манушен, те хаљова кај ола сине мануша со чаче џивдинѓе хем сине лен искушенија џикоте служинѓе е Јеховаске. Исто аѓаар, таро извештаија со и тане ко акава лил, шај те сикљова буќа со шај амен да те кера лен ко амаро џивдипе (Евр. 6:12).
2. Објаснин со иси ко лил Угледајте се на нивната вера.
2 Со иси ко лил: Ко лил иси табеле бершенцар хем карте со ка поможинен аменге те џана кеда хем коте џивдинена сине о мануша со и спомниме ко лил. Исто аѓаар, ко секова поглавје иси рамка насловеа „Размислин...“, која со ка поможинел аменге те размислина башо извештај хем сар те кера адава со сиклиљам таро адава поглавје. Ко лил исто аѓаар, иси цртиме слике ки боја со и шукар бириме, кола со поможинена полокхе те замислина аменге о буќа со уле.
3. Со шај те кера те шај те овел амен побари корист кеда проучинаја акава лил?
3 Сар шај те овел амен корист: О писмо таро Водечко тело со аракхљола ко прва странице охрабринела амен акале лафенцар: „Замислинен туменге о буќа со уле хем замислинен кај тумен да сиен адатхе. Трудинен тумен те осетинен адава со осетинена сине акала личностија тари Библија. Спорединен сар ола реагиринѓе ко несаве ситуацие хем сар ка реагиринен сине тумен.“ Ама, адава на значинела кај ваљани те замислина аменге буќа со ни на случинѓе пе, него те хаљова со мангела те вакерел аменге о извештај хем те чхива амен ки ленгири ситуација. Те шај те кера адава ваљани те одвојна време те размислина (Неем. 8:8). Ако почминела те проучинел пе таро екваш о поглавје, тегани о водители ваљани те почминел аѓаар со 30 џи ко 60 секундија ка повторинел несаве мисле таро материјали со проучинѓа пе англедер таро адава поглавје. Ко крајо шај те пучел јекх или дуј пучиба ако ко адава дело со проучинела пе нане вклучими и рамка „Размислин...“.
4. Соске ваљани те проучина о лил Угледајте се на нивната вера?
4 Џивдинаја ко сумнал коте со секова диве шај амари вера те тикњол ко било кова начин. Акава лил, а исто аѓаар о статие тари Стражарска кула колендар со и кердо о лил, тане поклон таро Јехова со шај те поможинен аменге те овел амари вера позорали (Јак. 1:17). Адалеске те трудина амен те ова редовна ко состанок Проучибе и Библија ки дворана хем козом со шај побутер те да коментарија џикоте проучинаја акава лил заедно!