Корисна предлогија

Аракх духовна бисерија башо Јехова

Кеда читинаја и Библија, шај те користина различна публикацие истражибаске те шај пошукар те хаљова адава со ка читина. Ама, амен на мангаја само те кхеда информацие баши Библија. Него мангаја те сикљова нешто повише башо е Јеховаскере особине хем аѓаар те заманга ле повише. Адалеске шај те пуча амен: „Со сикљовава башо Јехова таро акава библиско извештај?“

На пример, шај те роде нешто повише башо е Јеховаскоро мангипе, мудрост, правда хем моќ. Ама, е Јехова иси ле бут јавера да шуже особине баши коленде со шај те сикљова. Коте шај те аракха повише информацие башо лескере особине?

Пхрав ко Прирачникот за истражување на публикациите на Јеховините сведоци, џа ки тема „Јехова Бог“, а пало адава ко поднаслов „Особините на Јехова“. Истражин башо окола особине со приметинѓан лен џикоте проучинѓан несаво библиско извештај.