7. ПУЧИБЕ
Со пророкујнѓа и Библија башо амаро време?
„Ка боринел пе народо против народо, хем царство против царство... Са акала буќа тане почеток таро баре дукха.“
„Ка икљон бут ховавне пророкија хем ка ховавен буте манушен. Хем адалеске со о лошнипе ка бајрол, буте џененгоро мангипе ка шудрол.“
„Кеда ка шунен башо војне ко разна тхана, ма даран. Адава мора те случинел пе, ама тегани панда нане о крајо.“
„Ка овен баре земјотресија, а ко разна тхана ка овел бокхалипа хем заразна насвалипа. О мануша ка дикхен буќа со ка даравен лен хем ка овен баре знакија таро небо.“
„Ко последна диве ка овел бут пхаро време. Соске, о мануша ка манген коркори пес, ка манген о паре, ка овен чалмџие, ка икерен пе ко барипе, ка керен лафи против о Девел хем против о јавера мануша, нане те шунен пле родителен, нане те овен благодарна, нане те овен верна, нане те манген пле фамилија, нане те овен спремна башо било саво договор, клеветникија, нане те контролиринен пе, сурова, нане те манген о шукарипе, предавникија, иначие, горда, ка манген о задоволствија, а на е Девле, ка дикхјон сар те пхене служинена е Девлеске, ама нане те живинен аѓаар.“