Предлогија со ка поможинен туке те читине и Библија секова диве

Дали туке пхаро те читине е Девлескоро Лафи секова диве адалеске со иси тут бут обврске? (Ис. Нав. 1:8). Ако оја, пробин јекх таро следна предлогија:

• Кер туке аларма со ка сетинкерел тут секова диве. Местин туке аларма ко тло електронско уред те шај те сетинкерел тут те читине и Библија.

• Чхив и Библија ко тхан коте со шај те дикхе ла. Ако читинеа тари печатими Библија, чхив ла ко тхан коте со шај секова диве локхе те дикхе ла (5. Мој. 11:18).

• Шун аудиоснимке. Шун аудиоснимке џикоте кереа тле секојдневна обврске. И Тара, јекх дај која со џала ки бути раќате хем тани пионерка, вакерела: „Адава со шунава о аудиоснимке тари Библија џикоте завршинава мле кхерутне обврске поможинела манге редовно те читинав и Библија“.

• Ма откажин тут. Ако икљола туке несави бути која со руминела тло плани читибаске и Библија, читин барем некобор стихија англедер те сове. Чак ако читинеа само некобор стихија секова диве, адава бут ка користинел туке (1. Пет. 2:2).