2. Mojseeva
3 O Mojsej arakhela sine e Jotoreskere bakhren, ple sastreskere, kova so sine madijamsko svešteniko. Džikote vodinela sine e bakhren ki zapadno strana tari pustina, ko krajo reslja dži ki planina e čačutne Devleskiri, ko Horiv. 2 Tegani e Jehovaskoro angeli pojavingja pe leske ki jag so thabljola sine ki jekh grmuška. Ov dikhlja i grmuška koja so sine la jag, ama nisar na thabljola sine. 3 O Mojsej vakergja: „Ka džav popaše te dikhav soj akaja čudno buti, te dikhav soske i grmuška na thabljola“. 4 Keda o Jehova dikhlja sar avela popaše te šaj te dikhel pošukar, vikingja le tari grmuška: „Mojsej! Mojsej!“ A ov vakergja: „Ake sium!“ 5 Tegani vakergja leske: „Ma ava popaše! Ikal tle sandale soske o than kote so tergjovea tano sveto!“ 6 Ponadari vakergja: „Me sium o Devel tle dadeskoro, o Devel e Avraameskoro, o Devel e Isakoskoro hem o Devel e Jakoveskoro“. Tegani o Mojsej garavgja plo muj soske darandilo te dikhel ko čačutno Devel. 7 A o Jehova vakergja: „Dikhljum kobor tano mučimo mlo narodo ko Egipet, šungjum sar žalinena pe taro adala so terinena len te keren buti hem šukar džanava lengere dukha. 8 Adaleske huliljum te spasinav len taro egipetsko vas hem te ingarav len tari adaja phuv ki šukar hem bari phuv, ki phuv kote so thavdela avgin hem thud, ki phuv kote soj o Hanaancija, o Hetejcija, o Amorejcija, o Ferezejcija, o Evejcija hem o Evusejcija. 9 Hem akana, ake, adava so žalinena pe o Izraelcija alo dži mande hem dikhljum kobor but mučinena len o Egipkjanja. 10 Adaleske, akana bičhalava tut ko faraoni te ikale mle narodo, e Izraelcon, taro Egipet“. 11 ... 12 ... 13 ... 14 Tegani o Devel vakergja e Mojseeske: „Ka ovav sa so mangava te ovav“... 15 Tegani o Devel panda jekh puti vakergja e Mojseeske: „Akava ka vakere e Izraelconge: ,O Jehova, o Devel tumare paradadengoro, o Devel e Avraameskoro, o Devel e Isakoskoro hem o Devel e Jakoveskoro, bičhalgja man tumende.‘ Akava tano mlo anav zasekogaš, agjaar ka pamtinen man tari generacija ki generacija. 16 ... 17 ... 18 ... 19 ... 20 ... 21 ... 22 ...