Psalm

32 Radosno tano o manuš kaskoro prestap tano prostimo, kaskoro grevo tano učhardo. 2 Radosno tano o manuš kas so o Jehova na krivinela bašo grevo hem ko kaskoro vilo nane hovajbe. 3 Keda čutinava sine, mle kokala šukile tari bari dukh so osetinava la sine po celo dive. 4 Soske, dive-rat sine mange but pharo soske džanljum kaj tu na sian zadovolno mandar. Našavdili mli sila sar o pani so isparinela ko baro tatipe. 5 Ko krajo priznajngjum mlo grevo hem na garavgjum mli krivica. Vakergjum: „Ka priznajnav e Jehovaske sa mle greške“. Hem tu prostingjan mli greška, mle grevija. 6 ... 7 Tu sian mlo than garajbaske, tu ka arakhe man taro nevolje. Ka opkoline man bahtale giljaja bašo mlo spasenie. 8 „Ka pomožinav tut te haljove o bukja hem ka sikavav tut bašo drumo palo kova so valjani te dža. Ka dav tut sovet, mli jakh ka ovel upri tute. 9 ... 10 ... a okova so isi le doverba ko Jehova tano opkolimo taro leskoro verno mangipe. 11 O Jehova neka ovel tumaro bahtalipe hem veselinen tumen...