O Isus paldingja e trgovcon taro hrami

Negde okolu april 30 berš a.e., o Isus gelo ko Erusalim. But manuša avena sine ki akaja diz te slavinen i Pasha. Ko akava prazniko ola dena sine životinska žrtve ko hrami. Nesave anena sine, a nesave kinena sine životne ko Erusalim.

Keda o Isus khuvgja ko hrami, dikhlja sar o manuša andre bikinena životne. Ola zarabotinena sine pare ko e Jehovaskoro kher kote so avena sine o manuša te služinen leske. Adava but holjankergja e Isuse. Ov kergja jekh kamšiko taro šele hem paldingja e bakhren hem e guruven taro hrami. Prevrtingja o astalija adalengere so meninena sine pare hem frdingja len ki phuv. Adalenge so bikinena sine gulubija o Isus vakergja: „Ciden adava akatar! O kher me Dadeskoro nane than kote so bikinela pe!“

O manuša ko hrami sine iznenadime taro adava so kergja o Isus. Leskere učenikija setingje pe ko jekh proroštvo bašo Mesija: „But ka mangav o kher e Jehovaskoro.“

Pokasno, ko 33 berš a.e., o Isus dujto puti paldingja e trgovcon taro hrami. Ov na mukhlja o manuša te sikaven kaj na poštujnena o kher leskere Dadeskoro.