Keda valjani te čhinave o razgovor?

Keda nekoj iskreno pučela amen nešto ili mangela te objasnina leske nesavi buti, amen mangaja te kera lea lafi. Amen mangaja te kera lafi okolencar so ispravno dikhena ko večno životo (Apo. 13:48).

Ama, so ako nekoj tano holjamo, mangela te akošel pe ili na mangela te kerel amencar lafi ko momenti? Smireno hem taktično čhinav o razgovor (Izr. 17:14). Trudin tut te ove ljubezno hem te sikave poštovanje soske agjaar o manuš šaj ka ovel pospremno te kerel amencar lafi javer puti (1. Pet. 2:12).