Ako ko udara ikljola čhavo

Ako ko udara ikljola čhavo, valjani te zamoline le te vikinel pe roditelen. Agjaar sikavaja kaj poštujnaja e roditelen (Iz 6:20). Nane te khuva ako o čhavo vikinela amen andre. Ako leskere roditelija nane khere, tegani ka irana amen javer puti.

Čak keda o čhavo tano pobaro, na primer džala ki sredno škola, palem valjani te roda leskere roditelen. Ako ola nane khere, šaj te puča le dali dozvolinena leske korkori te birinel so ka čitinel. Ako dozvolinena, šaj te nudina leske literatura ili te vakera leske baši amari internet-stranica.

Ako nesavo terno sikavgja interes, valjani te roda leskere roditelen keda džaja ki povtorno poseta. Agjaar ka šaj te vakera lenge soske alem hem te sikava lenge kozom mudra hem praktična sovetija dela i Biblija bašo familie (Ps 119:86, 138). Ka da šukar svedoštvo ako sikavaja poštovanje hem obzir sprema o roditelija, hem agjaar šaj te phravgjol amenge prilika te vakera o šukar haberi adale familijake (1Pe 2:12).