Pomožin tle familijake te na bistrel e Jehova

O Eremija dobingja zadača te predupredinel e Izraelcon kaj ka oven uništime adaleske so bistergje e Jehova (Ere 13:25). Sar alo dži adava? O familie ko Erusalim na sine više paše e Jehovaja. O poglavarija taro familie na ikerena sine o upatstvija so dengja len o Jehova ki 5. Mojseeva 6:5-7.

Avdive, o familie soj tane duhovno jaka kerena o sobranija te oven stabilna. O poglavarija pomožinena ple familijake te na bistren e Jehova agjaar so ikerena redovno i Familijarno rat, kerena te ovel lenge interesno hem korisno sarinenge (Ps 22:27). Otkeda ka dikhen o videoklipi „Akala lafija čhiv len ko tlo vilo“ — Intervjua e familiencar, odgovorinen ko akala pučiba:

• Sar nesave familie uspejngje te ikeren redovno i Familijarno rat iako sine len bukja so čhinavena len?

• Save bereketija isi keda i Familijarno rat ikerela pe redovno, interesno hem korisno sarinenge?

• Kola tane nesave bukja so čhinavena man te ikerav i Familijarno rat, hem so valjani te kerav te šaj te ikerav la redovno?