Sar šaj te ovel tut navika pohor te proučine i Biblija

Dali mangea isto sar o Daniel te ačhove verno keda sian ki nevolja? O Daniel hor proučinela sine e Devleskoro Lafi hem o proroštvija so sine len hor značenje (Da 9:2). Tu da šaj te ačhove verno ako hor proučinea i Biblija. Sar adava? O proučibe šaj te bajrarel tli vera kaj e Jehovaskere vetuvanja ka oven čače (IsN 23:14). Isto agjaar, šaj te bajrarel tlo mangipe sprema o Devel, a adava ka pomožinel te postapine ispravno (Ps 97:10). Ama sar šaj te ovel tut navika hor te proučine? Ka dikha nekobor predlogija.

• So te proučinav? Ko šukar navike bašo proučibe isto agjaar tano o spremibe bašo sostanokija. Ka ovel tut pobari korist taro čitibe e Biblijakoro adale kurkeske ako odvojnea vreme te istražine o stihija so nane tuke jasna. Nesave objavitelija istražinena poviše bašo bibliska proroštvija, bašo plodija e duhoskere, baši misionersko služba e Pavleskiri, ili bašo bukja so kergja len o Jehova. Ako razmislinea bašo nesavo biblisko pučibe ko teko e diveskoro, pišin le, hem javer puti neka ovel tuke adava tema proučibaske.

• Kote šaj te arakhav materijali? Bašo nesave idee, dikh o videoklipi Sikljov te rode duhovno barvalipe. Sar vežba, istražin kola svetska sile tane pretstavime e zveroncar taro eftato poglavje taro Daniel.

• Kobor vreme valjani te odvojnav bašo proučibe? Te šaj te ove ki šukar duhovno sostojba, mora redovno te proučine. Ko početok, o proučibe šaj te trajnel pohari, a palo nesavo vreme šaj postepeno te bajrare o vreme. O proučibe e Devleskoro Lafi tano sar keda rodea garavdo barvalipe; kobor poviše barvalipe arakhea, doborom poviše ka mange te istražine (Iz 2:3-6). Ako kerea agjaar ka bajrare ti želba redovno te proučine e Devleskoro Lafi, hem adava ka ačhovel tuke navika (1Pe 2:2).

SO PRETSTAVINENA O ZVERIJA TARO EFTATO POGLAVJE TARO DANIEL?

• 

  Da 7:4

• 

  Da 7:5

• 

  Da 7:6

• 

  Da 7:7

JAVER PUČIBE:

Sar ispolningje pe o lafija taro Daniel 7:8, 24?

JAVER PROEKTI:

So pretstavinena o zverija taro 13 poglavje taro Otkrovenie?