Ker pošukar i služba — koristin delotvorna pučiba

SOSKE TANO VAŽNO: Ako o razmisliba e vileskere tane sar hor pani, tegani o pučiba tane sar kofa so ka pomožinel tut te ikale len (Iz 20:5). Keda pučaja, tegani vklučinaja ko razgovor e manuše so šunela hem agjaar šaj te dikha sar razmislinela. O Isus sekogaš koristinela sine delotvorna pučiba. Sar šaj te ova sar leste?

SAR TE KERA ADAVA:

• Koristin pučiba te šaj te dikhe sar razmislinela nekoj. Ki jekh prilika, o Isus pučlja delotvorna pučiba te šaj te dikhel sar dikhena leskere učenikija ki adaja buti (Mt 16:13-16; be-MC 238 str., 4-6 pas.). Save pučiba bi pučea ako mangea te dikhe sar nekoj razmislinela baši nesavi buti?

• Koristin pučiba so anena dži ko odgovor. Keda manglja te isprajnel e Petare baši jekh buti, o Isus pučlja le nekobor pučiba, hem dengja le nekobor odgovorija te šaj te pomožinel le te avel dži ko ispravno zaklučok (Mt 17:24-26). Save pučiba bi pučea ako mangea nekaske te pomožine te avel dži ko ispravno zaklučok?

• Falin adale so šunela tut. O Isus falingja jekhe knižniko kova so dengja šukar odgovor ko jekh pučibe (Mr 12:34). Sar šaj te faline nekas so odgovoringja ko tlo pučibe?

DIKHEN O PRVO DELO TARO KLIPI KER ADAVA SO KERGJA O ISUS — POUČIN, HEM PALO ADAVA DISKUTIRINEN BAŠO AKALA PUČIBA:

• Iako o objaviteli vakergja točna informacie, soske akava tano lošno primer bašo poučibe?

• Soske nane dovolno samo te objasnina o informacie?

DIKHEN O DUJTO DELO TARO AKAVA KLIPI, HEM PALO ADAVA DISKUTIRINEN BAŠO AKALA PUČIBA:

• Sar o objaviteli koristinela sine delotvorna pučiba?

• So šaj javer te sikljova taro adava sar poučinela sine?