TE ŽIVINA SAR HRISTIJANJA
Te propovedina hem te sikava e manušen
O Isus zapovedingja ple učenikonge te džan hem te keren učenikija (Mt 28:19). Ko adava tano vklučimo te propovedina hem te sikava e manušen. Šukar tano ponekogaš te puča amen: „Sar šaj te kerav pošukar akala duj bukja?“
TE PROPOVEDINA
Amen našti te adžikera o manuša te aven amende, nego amen valjani te dža te roda adalen so mangena te šunen o šukar haberi (Mt 10:11). Keda siem ki služba, dali koristinaja sekoja prilika te šaj te svedočina? (De 17:17). I Lidija uli učeniko e Isuseskoro adaleske so o Pavle temelno kerela sine pli služba (De 16:13-15).
„Sabajle sejn o seme hem dži rakjate ma te odmorinel to vas“ (Pro 11:6)
DIKHEN O KLIPI PONADARI DA PROPOVEDIN BIZO TE ČHINAVE — NEFORMALNO HEM TARO KHER KO KHER, HEM PALO ADAVA ODGOVORINEN KO AKALA PUČIBA:
Sar o Samoil koristinela sine sekoja prilika te šaj te svedočinel?
Soske valjani te ova istrajna ki sekoja granka tari služba?
Kaske šaj te svedočina džikote završinaja amare obvrske ko teko e diveskoro?
TE SIKAVA E MANUŠEN
Te šaj te kera učenikija, nane dovolno samo te mukha lenge literatura. Te šaj te napredujnen ko duhovno pogled, valjani redovno te posetina len hem te počmina lencar bibliska kursija (1Ko 3:6-9). Ama, so ako nane rezultatija iako daja amendar sa te šaj te sikava nekas? (Mt 13:19-22). Valjani ponadari da te roda adalen so isi len vile sar „šukar phuv“ (Mt 13:23; De 13:48).
„Me sadingjum, o Apolo čhivgja pani, ama o Devel kergja te bajrol“ (1Ko 3:6)
DIKHEN O KLIPI PONADARI DA PROPOVEDIN BIZO TE ČHINAVE — KO PROMETNA THANA HEM KER UČENIKIJA, HEM PALO ADAVA ODGOVORINEN KO AKALA PUČIBA:
Sar o Solomon hem i Marija čhivena sine pani ko seme bašo čačipe ko vilo e Ezekieleskoro hem e Avigeakoro?
Savi valjani te ovel amari cel ki sekoja granka tari služba, kote soj vklučimi i služba da ko prometna thana?
Sar šaj te trudina amen poviše te sikava e manušen?