Trudinen tumen tumare čhave te oven popaše e Jehovaja

O roditelija soj verna e Devleske radosna tane keda dikhena sar lengere čhave ovena sluge e Jehovaskere. O roditelija šaj te pomožinen pumare čhavenge adalea so panda taro tiknipe ka čhiven lenge ko vile adava so sikavela i Biblija (5Mo 6:7; Iz 22:6). Dali ka valjani te keren pe nesave žrtve bašo akava? Sigurno! Ama, tlo trudo ka ovel nagradimo (3Jo 4).

O roditelija šaj but te sikljoven taro Josif hem tari Marija. Ola sekova berš džana sine ko Erusalim bašo prazniko Pasha, iako adava lendar rodela sine trud hem pare (Lk 2:41). Ama, e Josifeske hem e Marijake najvažno sine lengiri familija te ovel paše e Jehovaja. Slično sar lende, avdive da o roditelija šaj te vodinen pumare čhaven ko ispravno drumo agjaar so ka koristinen sekoja prilika te sikaven len lafencar hem primerea (Ps 127:3-5).

DIKHEN O VIDEOKLIPI OLA KORISTINGJE SEKOJA PRILIKA, HEM PALO ADAVA ODGOVORINEN KO AKALA PUČIBA:

• Sar o Džon hem i Šeron Šiler prodolžingje te služinen e Jehovaske iako sine len protivibe tari familija?

• Soske o roditelija valjani te sikaven, te vodinen hem te vospitinen sekole čhave ko različno način?

• Sar šaj o roditelija te spreminen pumare čhaven te istrajnen keda ka ovel ko ispit lengiri vera?

• Save bukja tari amari organizacija koristingjan te šaj te pomožine te čhavenge te oven paše e Jehovaja?