BARVALIPA TARO E DEVLESKORO LAFI | JOVAN 5-6
Dža palo Isus taro ispravno motivi
Keda o Isus vakergja jekh sporedba koja so sine phari leskere učenikonge te haljoven la, nesave sopkingje pe taro leskere lafija hem čhinavgje te džan pali leste. Samo jekh dive angleder adava, o Isus parvargja len čudoja, kolea so sikavgja kaj leskiri mokj avela taro Devel. Tegani, soske sopkingje pe? Ola džana sine pali leste taro sebična motivija. Mangena sine te oven lea adaleske so sine len materijalno korist.
Sekoj amendar valjani te pučel pe: „Soske me džava palo Isus?“ Dali bašo adava so dobinava akana bereketija hem so ka dobinav len ki idnina? Ili, palem, bašo adava so mangava e Jehova hem mangava te kerav adava so rodela ov?
Soske amen da šaj te sopkina amen ako glavno služinaja e Jehovaske taro akala pričine?
Uživinaja keda siem ko društvo e Devleskere narodoja
Mangaja te živina ko raj