Ker pošukar i služba — pišibe pismija

SOSKE TANO VAŽNO: O lil 1. Korinkjanite tano jekh taro 14 pismija so pišingja len o Pavle te šaj te ohrabrinel e hristijanen ko adava vreme. Keda nekoj pišinela pismo, isi le vreme šukar te razmislinel kola lafija ka koristinel. Osven adava, okova so dobingja o pismo šaj te čitinel le nekobor puti. O pismija tane šukar način sar šaj te svedočine tle familijake hem adalenge so na pendžarea len. Isto agjaar, ola tane but korisna keda mangaja te svedočina adalenge kolencar so nane amen prilika te kera lafi. Na primer, nekoj šaj sikavgja interes, ama pharo tano palem te arakha le khere. Isto agjaar, nesave manušen ko amaro podračje tano pharo te arakha len soske živinena ko zgrade kote so phare šaj te khuvel pe andre, ko thana kola soj phanle ili, čak, ko nesave dur thana. So valjani te ovel amen ki godi keda pišinaja pismija e manušenge kolen so na pendžaraja len?

SAR TE KERA ADAVA:

• 

  Pišin adava so bi vakerea sine lično adale manušeske. Panda ko početok pišin koj sian hem koja tani tli cel soske pišinea o pismo. Šaj te puče nesavo pučibe razmislibaske hem te pišine leske baši amari internet-stranica. Tegani vaker sar šaj te proučinel i Biblija besplatno, ili pišin nesave naslovija taro amare publikacie proučibaske. Šaj ko pismo te čhive literatura da sar na primer vizit-kartička, pokana ili traktati.

• Ov kratko. Tlo pismo na valjani te ovel but baro te šaj te na ovel dosadno okoleske so ka čitinel le. (Dikh o pismo ki 8 strana.)

• Proverin te na oven greške. Dikh dali tano jasno, dali šaj šukar te čitinel pe, dali tano pišimo ko jekh ljubezno, taktično hem pozitivno način.